Палажэнне Праекта
Установы адукацыі “Нясвіжская дзяржаўная беларуская гімназія”
“Мы – нашчадкі Перамогі”
Глава І. Агульнае палажэнне.
На падставе Указа Прэзідэнта Рэспублікі Беларусь А.Р.Лукашэнка ад 25 лютага 2008 года № 110 “Аб падрыхтоўцы і правядзенні святкавання 65-й гадавіны вызвалення Рэспублікі Беларусь ад нямецка-фашысцкіх захопнікаў і Перамогі савецкага народа ў Вялікай Айчыннай вайне” і ў адпаведнасці з планам выхаваўчай і ідэалагічнай работы на 2009-2010 вучэбны год ва Установе адукацыі “Нясвіжская дзяржаўная беларуская гімназія” арганізоўваецца праект “Мы – нашчадкі Перамогі”.
Мэта праекта:
- удасканаленне сістэмы патрыятычнага выхавання вучняў, фарміраванне ў іх пачуцця любові да Радзімы на прыкладзе баявых подзвігаў ветэранаў Вялікай Айчыннай вайны, якія замацаваны за ўстановай адукацыі;
- прапаганда мужнасці і гераізму беларускага народа, які адстаяў свабоду і незалежнасць Айчыны ў гады Вялікай Айчыннай вайны;
- далучэнне навучэнцаў да навуковай, творчай, пошукавай работы па рэалізацыі творчых конкурсаў па грамадзянска-патрыятычным выхаванні.
Задача праекта:
- стварэнне ўмоў для развіцця творчых, пошукавых здольнасцей зрабіць добрае, карыснае, запамінальнае;
- фарміраванне пачуцця глыбокай навагі да ветэранаў Вялікай Айчыннай вайны;
- максімальнае раскрыццё эмацыянальна-сцэнічнага патэнцыялу вучняў;
- імкненне паказаць дзецям цану Перамогі.
Удзельнікі праекта – навучэнцы 1 – 11 класаў Установы адукацыі “Нясвіжская дзяржаўная беларуская гімназія”.
Узнагароджванне пераможцаў усіх конкурсаў праекта будзе праходзіць падчас урачыстага канцэрта 8 мая 2010 года. “Мы – нашчадкі Перамогі”.
Палажэнне, інфармацыя аб правядзенні конкурсаў Праекта размяшчаецца на інфармацыйным стэндзе “На гімназічнай хвалі”, стэндах пярвічных арганізацый БРСМ і БРПА, на афіцыйным сайце ўстановы адукацыі.
Глава ІІ. Парадак і ўмовы правядзення Праекта.
- Час правядзення праекта: з 15 сакавіка па 8 мая 2010 года.
Праект уключае Вахту Памяці, выставы творчых работ, экскурсіі ў Залу баявой славы, сустрэчы з ветэранамі Вялікай Айчыннай вайны, урачысты канцэрт “Мы – нашчадкі Перамогі” і конкурсы, прысвечаныя 65-й гадавіне вызвалення Рэспублікі Беларусь ад нямецка-фашысцкіх захопнікаў:
- конкурс юнармейскіх атрадаў (Дадатак 1.);
- конкурс электронных прэзентацый “Перамога дзядоў і прадзедаў – наша Перамога” (Дадатак 2.);
- конкурс плакатаў і малюнкаў “З чаго пачынаецца Радзіма” (Дадатак 3.);
- конкурс паэтаў (Дадатак 4.);
- інтэлектуальная гульня “Перагортваючы старонкі гісторыі” (Дадатак 5.);
- конкурс дэкаратыўна-прыкладной творчасці “Падарунак ветэрану” (Дадатак 6.);
- конкурс буклетаў “У імя жыцця” (Дадатак 7.).
- Для рэалізацыі Праекта ствараецца арганізацыйны камітэт у складзе:
- Шумоўская Т.В. – дырэктар установы адукацыі;
- Лясніцкая Т.А., намеснік дырэктара па выхаваўчай рабоце – старшыня;
- Хілько В.С., Цярпіцкая Т.А. – члены арганазацыйнага камітэта;
- Чамярэўская Дар’я, старшыня пярвічнай арганізацыі БРСМ;
- Жэрка Ірына – старшыня піянерскай дружыны ім. А.Гайдара.
- Конкурсы Праекта праводзяцца ў адпаведнасці з дадаткамі 1-7. Па выніках конкурсаў Праекта лепшыя работы ўдзельнічаюць у раённых конкурсах (электронных прэзентацый, малюнкаў і плакатаў), у выставе творчых работ, урачыстым канцэрце 8 мая 2010 года.
- Пераможцы кожнага конкурсу Праекта ўзнагароджваюцца дыпломамі ўстановы адукацыі і прызамі.
Чытаць усё Палажэнне